Nissan: Для з'яўлення ў Беларусі электрамабіляў патрэбная найперш воля ўрада
Для з'яўлення ў краіне электрамабіляў патрэбная найперш воля і падтрымка ўрада. Аб гэтым 25 верасня на прэс-канферэнцыі ў Мінску заявіў кіруючы дырэктар бізнес-падраздзялення "Нісан Усход" Філіп Саяр.
"Як вы ведаеце, у шматлікіх еўрапейскіх рэгіёнах, дзе цяпер прадаюцца электрычныя аўтамабілі і набіраюць усё большую папулярнасць, найперш існуе падтрымка з боку ўрада неабходных для электрамабіляў мерапрыемстваў, і гэта з'яўляецца адной з прычын, чаму такія аўтамабілі набіраюць папулярнасць", — адзначыў Філіп Саяр.
Паводле яго слоў, Nissan з'яўляецца лідарам у гэтым кірунку, у канцэрна ёсць "выдатны электрамабіль LEAF". Разам з тым дырэктар бізнес-падраздзялення "Нісан
Усход" звярнуў увагу, што такія пытанні пастаянна абмяркоўваюцца на ўрадавым узроўні.
"Пры гэтым меры, якія стымулююць з'яўленне электрамабіляў, павінны быць не часовымі, а пастаяннымі. На сённяшні дзень гэта пакуль зусім не так", — адзначыў
прадстаўнік Nissan.
Ён падкрэсліў, што для вываду электрамабіляў на рынак у краіне павінна быць створана неабходная інфраструктура, у тым ліку станцыі падзарадкі па ўсёй краіне, каб на электрамабілях можна было свабодна
перамяшчацца. Акрамя таго, патрэбны навучаныя людзі, якія могуць працаваць з такімі аўтамабілямі, абслугоўваць і рамантаваць іх.
"Так што мы гатовыя выводзіць на рынак электрычныя аўтамабілі, мы гатовыя гэта рабіць, але на сённяшні дзень мы не можам гэта рабіць, да таго часу, пакуль у нас не будзе абсалютна
выразнае бачанне на будучыню", — падкрэсліў прадстаўнік Nissan.