Складскія запасы прадпрыемстваў працягваюць павялічвацца
Складскія запасы беларускіх прадпрыемстваў у чацвёртым квартале 2013 года прадоўжылі павялічвацца і да 1 снежня, паводле інфармацыі БелаПАН, дасягнулі 74,3% месячнага аб'ёму вытворчасці.
У лістападзе аб’ём нерэалізаванай прадукцыі павялічыўся амаль на 420 млрд. рублёў і дасягнуў па стане на 1 снежня 29,53 трлн. рублёў (ці 74,3% ад месячнага аб’ёму прамвытворчасці).
Трэба адзначыць, што ў лістападзе назіралася нераўнамерная дынаміка змянення складскіх запасаў у разрэзе рэгіёнаў.
Так, калі прадпрыемствы Мінска, якія маюць найбольшыя складскія запасы, некалькі скарацілі іх аб’ём, то прадпрыемствы Мінскай вобласці, наадварот, павялічылі аб’ём
нерэалізаванай прадукцыі. Таксама ў лістападзе павялічыўся аб’ём складскіх запасаў у Магілёўскай, Гродзенскай і Віцебскай абласцях.
Як паведамлялася раней, рост складскіх запасаў прамысловых прадпрыемстваў з’яўляецца адным з ключавых праблем, з якой сутыкнулася сёлета беларуская эканоміка. На фоне зніжэння
знешняга попыту на беларускую прадукцыю складскія запасы ў першай палове 2013 года перавысілі 80% месячнага аб’ёму прамысловай вытворчасці.
У сувязі з гэтым урад у чэрвені гэтага года зацвердзіў перад ведамствамі заданні па скарачэнні запасаў нерэалізаванай прадукцыі, быў зацверджаны памесячны графік разгрузкі складоў.
"Папытанне за яго рэалізацыю будзе самым жорсткім: з разглядам ва ўрадзе і адказнасцю кадраў", — падкрэсліваў прэм’ер-міністр Міхаіл
Мясніковіч падчас чэрвеньскага пасяджэння Саўміна.
У трэцім квартале ў Беларусі назіралася ўстойлівае зніжэнне складскіх запасаў. У чэрвені—верасні аб’ём запасаў гатовай прадукцыі скараціўся на 10 працэнтных пунктаў да 70,6%
месячнага аб’ёму вытворчасці на 1 кастрычніка.
Аднак падчас нарады ў Аляксандра Лукашэнкі 9 кастрычніка высветлілася, што некаторыя прадпрыемствы імітуюць працэс разгрузкі складоў.
"Усё гэта хлусня па разгрузцы складоў, як гэта выглядае сёння ў нас — вывезлі ў Літву, Расію, яшчэ кудысьці, грошай не атрымалі, а склалі там у дылераў на складах трактары, аўтамабілі... Скажу публічна, гэта павернецца камусьці камерай", — папярэдзіў Лукашэнка ўдзельнікаў нарады.
Запасы гатовай прадукцыі, якія, згодна са статзвесткамі, у чэрвені—верасні пастаянна зніжаліся, у кастрычніку зноў сталі расці. Сумарна за кастрычнік—лістапад складскія запасы
павялічыліся амаль на 1,5 трлн. рублёў.
Дзмітрый Заяц, БелаПАН