З 1 студзеня адразу на пяць рублёў павялічыцца памер базавай велічыні
Згодна з пастановай беларускага ўрада, з 1 студзеня вырасце памер базавай велічыні. Цяпер базавая велічыня складае 32 рублі, а ўжо заўтра будзе 37. Павелічэнне адразу на пяць рублёў — найвялікшы аднаразовы рост з 2016 года.
Базавая велічыня — устаноўлены ў 2002 годзе замест мінімальнага заробку паказчык вылічэння памераў пенсій, стыпендый, дапамогаў, падаў, збораў і спагнанняў. Штрафы палітвязням вылічваюцца таксама адносна базавай велічыні, таму ў новым годзе вырастуць і яны.
Адзначым, што памер базавай велічыні пастаянна падвышаецца ў адпаведнасці з інфляцыяй. Напрыклад, у 2015 годзе ён складаў 18 рублёў (тады яшчэ 18 тысяч), а ў 2023 будзе ўжо 37. То-бок за няпоўных восем гадоў базавая велічыня вырасла ўдвая.
