Займальная мадэрнізацыя

На Ляхавіцкі льнозавод купілі абсталяванне, якое ніяк не змяшчаецца ў цэхі.



Аляксандр Якабсон жорстка крытыкаваў кіраўніцтва Белаграсэрвісу і Ляхавіцкага льнозавода за неэфектыўную работу па мадэрнізацыі прадпрыемства.
У рамках кантролю за выкананнем даручэнняў Лукашэнкі па выхаду льняной галіны на эфектыўную працу, старшыня Камітэта дзяржкантролю Аляксандр Якабсон азнаёміўся з сітуацыяй на ААТ «Ляхавіцкі льнозавод» і правёў рабочую нараду па дадзенай тэме з удзелам зацікаўленых.
Якабсон жорстка раскрытыкаваў кіраўніцтва прадпрыемства і кіраўніка ААТ «Белаграсэрвіс» Лабушава за няздольнасць забяспечыць эфектыўную мадэрнізацыю льнозавода.
Высветлілася, што закупленае Белаграсэрвісу для ААТ «Ляхавіцкі льнозавод» абсталяванне не месціцца ў наяўныя цэхі. Не хапае ні даўжыні, ні вышыні будынка.
У выніку паўстала неабходнасць распрацоўкі новага бізнес-плана, які прадугледжвае будаўніцтва дадатковага будынка, што, натуральна , прывядзе да падаражэння праекта. На думку спецыялістаў Камітэта дзяржкантролю тэрміны акупнасці новага бізнес-плана настолькі вялікія, што не дазваляюць казаць пра эфектыўнасць яго рэалізацыі.
Непрыемны асадак пакінула і азнаямленне з тэрыторыяй і цэхамі прадпрыемства (бруд звонку і безгаспадарчасць унутры). Шмат пытанняў паўстала да дырэктара льнозавода і па адсутнасці нармальных умоў для працы рабочых.
У ходзе праведзенай нарады Якабсон раскрытыкаваў мясцовыя ўлады, якія не выканалі даручэнне Лукашэнкі па завяршэнні ўборкі лёну да 25 верасня - у аптымальныя тэрміны. У цяперашні час у Брэсцкай вобласці паднята толькі 48 % льнотрасты ад плана вытворчасці. Адсюль і праблемы з якасцю льновалакна. Нават нягледзячы на тое, што характарыстыкі льнотрасты, атрыманай у Брэсцкай вобласці вышэй чым у іншых рэгіёнах краіны, яны не дацягваюць да патрэбных параметраў.
kgk.gov.by