Беларускія цыгарэты дастаўлялі ў Польшчу дронам

Польскія памежнікі перахапілі партыю цыгарэт, якую даставілі праз мяжу з Беларуссю пры дапамозе дрона. Затрыманы адзін чалавек.

Уначы з 3 на 4 ліпеня памежнікі заўважылі, што робат з прымацаваным да яго грузам некалькі разоў прылятаў з боку Беларусі ў Польшчу. За два кіламетры ад мяжы памежнікі знайшлі скінутыя з беспілотніка 7 упаковак з цыгарэтамі. Усяго было канфіскавана больш за 98 тысяч цыгарэт на суму 72 тысячы злотых (15,8 тысяч даляраў). Недалёка ад гэтага месца знайшлі 42-гадовага паляка, які прыехаў забраць груз, паведамляе reform.by са спасылкай на Памежную службу Польшчы.