Былы санінструктар арміі Літвы прызнаўся ў шпіянажы на карысць Беларусі

Падазраваны ў шпіянажы на карысць Беларусі былы медык літоўскіх узброеных сілаў Андрэй Ашуркаў прызнае сваю віну, заявіў у чацвер журналістам пасля першага судовага паседжання адвакат абвінавачанага, яго сваяк Віктар Ашуркаў.



На першым пасяджэнні Віленскі акруговы суд не разглядаў справу — абвінавачваны абвясціў адвод аднаму суддзі — Стасісу Лямяжысу. Гэты суддзя ў справе Ашуркава санкцыянаваў дасудовыя дзеянні. Закон прадугледжвае, што ў такім выпадку суддзя не можа ўдзельнічаць у разглядзе справы ў судзе.

Суддзя Віргінія Швядене ў пачатку пасяджэння паведаміла, што справа будзе разглядацца на закрытых пасяджэннях. Дзяржабвінаваўца, пракурор Генпракуратуры Рядас Савіцкас паведаміў, што, перадаючы справу ў суд, ён прасіў разглядаць яго на закрытых пасяджэннях, паколькі ў справе маюцца сакрэтныя дакументы.

Ашуркаў акцэнтаваў увагу журналістаў, што за яго кліентам доўгі час вялося сачэнне.

У снежні мінулага года Дэпартамент дзяржбяспекі Літвы паведаміў, што Галоўнае выведвальнае ўпраўленне Генштаба УС Беларусі завербавала і мэтанакіравана ўкараніла Ашуркава ў літоўскую армію для выканання спецыяльных задач. Ёсць падазрэнні ў тым, што дадзеныя перадаваліся беларускаму боку на працягу пяці гадоў, за перададзеную інфармацыю абвінавачваны атрымліваў грашовыя сродкі.

Беларуская выведка цікавілася ваеннай тэхнікай, узбраеннямі, прызначэннямі будынкаў УС Літвы, удзелам у міжнародных аперацыях НАТА, планамі стандартных аперацый, рознымі ваеннымі вучэннямі, інфармацыяй аб складзе канкрэтных падраздзяленняў і службаў, асабістымі характарыстыкамі і маральна-псіхалагічнай ўстаноўкай вайскоўцаў.

Паводле інфармацыі пракурораў, Ашуркаў збіраў інфармацыю падчас непасрэдных зносін з вайскоўцамі, падчас назірання, запамінаючы і па магчымасці фатаграфуючы дадзеныя, капіюючы схемы аб’ектаў, інфармацыю рэгістрацыйных кніг і часопісаў.

Ашуркаў 1986 года нараджэння з’яўляецца жыхаром Каўнаса са сярэдняй адукацыяй, не жанаты, не судзімы. Ён служыў у батальёне мотапяхоты імя вялікага князя Літвы Альгірдаса. Мужчыну затрымалі 24 студзеня 2014 года.

У Камітэце дзяржаўнай бяспекі Беларусі адмовіліся каментаваць паведамленні літоўскіх СМІ пра затрыманага ў студзені санітарнага інструктара Узброеных сіл Літвы, які нібыта шпіёніў на беларускія спецслужбы. «Мы адмаўляемся ад каментароў», — заявіў у сераду агенцтву «Інтэрфакс-Захад» начальнік прэс-службы КДБ Артур Стрэх.