Цэны на лекі павінны заставацца «на прымальным узроўні»

Указ № 258 аб стварэнні холдынга па вытворчасці фармацэўтычнай прадукцыі падпісаў Аляксандр Лукашэнка, паведаміла 28 ліпеня прэс-служба прэзідэнта.

"Стварэнне холдынга скіраванае на ўдасканаленне адносін уласнасці і павышэнне эфектыўнасці кіравання дзяржаўнымі актывамі, — адзначаецца ў рэлізе. — Гэта будзе дасягнута за кошт забеспячэння незалежнасці органаў ліцэнзавання, дзяржаўнай рэгістрацыі лекавых сродкаў і сертыфікацыі вытворчасці ад інтарэсаў вытворцаў дзяржаўнай формы ўласнасці, што адпавядае сусветнай практыцы, а таксама за кошт аб'яднання кампаній фармацэўтычнай галіны для павышэння іх канкурэнтаздольнасці на сусветных рынках, максімізацыі іх кошту праз кансалідацыю актываў, аптымізацыю структуры кіравання і скарачэнні выдаткаў".
Холдынг "будзе адкрыты для ўваходжання прадпрыемстваў усіх формаў уласнасці і любы ведамаснай падпарадкаванасці".
У адпаведнасці з указам ліквідуецца дэпартамент фармацэўтычнай прамысловасці. Функцыі дзяржаўнага рэгулявання ў фармацэўтычнай галіне, які ажыццяўляліся дэпартаментам, будуць захаваныя ў Міністэрстве аховы здароўя.
25 ліпеня на Барысаўскім заводзе медыцынскіх прэпаратаў падчас выязнога пасяджэння прэзідыума Савета міністраў па пытаннях развіцця Барысаўскага раёна прэм'ер-міністр Андрэй Кабякоў заявіў, што цэны на лекі павінны заставацца "на прымальным узроўні". "Міністэрства антыманапольнага рэгулявання і гандлю зараз працуе над аналізам рынку цэн, у тым ліку на імпартныя тавары. Людзі не павінны пераплачваць за лекі — ні за айчынныя, ні за імпартныя", — падкрэсліў прэм'ер-міністр. Паводле яго слоў, працу па імпартазамяшчэнні трэба працягваць. Разам з тым Кабякоў адзначыў, што на рынку павінны прысутнічаць усе неабходныя прэпараты — і айчыннай вытворчасці, і імпартныя.
БелаПАН