Дзіўныя масавыя закупкі робяцца ў новае СІЗА пад Мінскам: іспанская кавамашына за 1 рубель!

Дзясяткі падобных закупак для СІЗА пад Мінскам былі размешчаныя на працягу мінулага года. Здзіўленне выклікаюць цэны па 1-3 рублі і некаторыя тавары (да прыкладу, кавамашына за 1 рубель — толькі іспанская). А ў кастрычніку туды набылі больш за 200 настольных тэлефонаў нібыта за 3 рублі, піша «Люстэрка».

Мінгарвыканкам масава закупляе абсталяванне і тэхніку для новага будынка СІЗА № 1, якое, верагодна, скончылі будаваць у Калядзічах. У большасці выпадкаў закупкі праводзяцца без конкурсу, а кошты пазначаныя 1–3 рублі. 

Упраўленне капітальнага будаўніцтва Мінгарвыканкама масава закупляе абсталяванне, тэхніку і мэблю для новага комплексу будынкаў і збудаванняў установы «Следчы ізалятар № 1 УДВП МУС» (СІЗА № 1).

Туды ж у студзені набылі абсталяванне для гатавання кавы. Працэдура закупкі была з адной крыніцы, аднак чамусьці на сайце закупак арыенціровачны кошт закупкі пазначаны ў 1 рубель. Прычым патрабавалася менавіта іспанская кавамашына.

Па такой жа схеме ў пачатку года закупілі фрыцюрніцы, масажнае абсталяванне, медыцынскія сталы, набор мэблі для цырульні. Часцей за ўсё цана таксама паказаная ў памеры аднаго рубля, у рэдкіх выпадках — два ці тры рублі. Ёсць запыты і па 10 капеек. 

Дзясяткі падобных закупак былі размешчаныя на працягу мінулага года. Напрыклад, у кастрычніку набылі больш за 200 настольных тэлефонаў нібыта за 3 рублі.

Ва ўсіх выпадках закупкі рабіліся за кошт бюджэтных сродкаў. Прычым пазначана, што практычныя ўсе яны завершаны. Знайшлі пастаўшчыкоў. Аднак звесткі аб тым, хто імі стаў, а таксама рэальная цана здзелкі, не апублікаваныя.

Таксама ёсць закупкі, дзе ўказаныя і кошты, і пастаўшчык. У снежні мінулага года набылі дзесяць незгаральных металічных шафаў за 19 860 рублёў. Пастаўшчык «Цэнтр-мет». 

У лістападзе за тры камплекты прамысловых увільгатняльнікаў паветра заплацілі 24 767 рублёў. Аднак у гэтым выпадку прадавец не пазначаны. А ў кастрычніку кампанія «Раданіра» падпісала дамову пастаўкі на аб'ект сістэмы пастановачнага асвятлення за 1,78 млн рублёў. Прыкладна тады ж «Віцязь» выступіў пастаўшчыком 354 тэлевізараў агульным коштам больш за 113 тысяч рублёў.

У снежні 2020 года Onliner.by паведамляў, што самы скончаны выгляд на той момант мелі бальніца і інтэрнат для будучых работнікаў, а ля будынка ізалятара была самая нізкая гатоўнасць. Два карпусы, якія павінны былі яшчэ з'явіцца, будаваць нават не пачыналі. 16 чэрвеня 2021 года выйшаў новы ўказ, згодна з якім бальніцу павінны былі здаць у 2021 годзе, а СІЗА — у 2023-м.

У студзені гэтага года «Люстэрку» стала вядома, што некаторых арыштаваных пачалі пераводзіць у новыя карпусы.

Пасля пераезду Валадаркі ў Калядзічы Пішчалаўскі замак, у якім размяшчаецца ізалятар, аддадуць гораду. Чакаецца, што пасля гэтага гістарычны аб'ект адрэстаўруюць.