Фестываль мабільнасці «Самаход» у Брэсце
На пляцоўцы «Прастора КХ» адбудзецца бясплатная серыя лекцый і прэзентацый на тэму танных падарожжаў у рамках фестывалю «Самаход», паведамляе greenbelarus.info.
Чаму не трэба ўспрымаць візы як перашкоду для вандровак і што неабходна абавязкова ведаць пра іх? Як спланаваць танную, але займальную і насычаную падзеямі вандроўку? Што неабходна мець на ўвазе, арганізуючы пешыя паходы і туры на роварах па Еўропе?
Адказы на гэтыя і іншыя пытанні вы зможаце даведацца на першым у Брэсце, але чацвёртым увогуле, фэсце “Самаход” 1 лютага.
“Самаход” пачнецца з майстар-класа для travel-журналістаў, якія толькі пачынаюць свой шлях па свеце турыстычных артыкулаў. Аповед будзе дапоўнены гісторыямі з асабістага досведу спікераў і практычнымі заданнямі. Самыя актыўныя ўдзельнікі змогуць паспрабаваць свае сілы на партале Novisa.by.
Наступныя лекцыі мерапрыемства будуць прысвечаны візавым пытанням і танным вандроўкам па Еўропе (ад пешых да роварных).
Праграма фестывалю:
12:00 Майстар-клас для travel-журналістаў ад экспертаў партала пра вандроўкі Traveling.by.
13:30 Прэзентацыя ад "Аазіс" - "Праз актыўнасць да вандровак".
14:00 Лекцыя "Трэкінг і пешыя вандроўкі" ад арганізатара пешых паходаў, гіда-правадніка: выбар маршруту, спецыфіка розных краін, падрыхтоўка.
15:00 Лекцыя "Велавандроўкі" ад кампаніі "За вело Брест": перасячэнне мяжы на ровары і асаблівасці гарадскіх прастораў Польшчы.
15:30 Прэзентацыя тура "BY-bicycling poetry trip" і карысныя парады для велавандроўнікаў.
16:00 Прэзентацыя кампаніі "У Беларусь і Еўропу – БЕЗ ВІЗЫ!" (Novisa.by): візы не перашкода вандроўкам!
17:00 Лекцыя "Танныя вандроўкі: lowcost пералёты і couchsurfing" ад заснавальніка сайта Think-differ.by.
Закрыццё фестывалю адбудзецца па адрасе г. Брэст, вул. Маякоўскага 46-1. Усіх удзельнікаў чакае музычны падарунак ад гурта :B:N:.
“Самаход” — гэта фестываль кампаніі "У Беларусь і Еўропу – БЕЗ ВІЗЫ!", які ладзіцца з 2012 году (фестываль штогод праводзіўся ў Мінску, сёлета ўпершыню адбудзецца ў Брэсце).
Уваход вольны.
Кава, гарбата і печыва – за кошт арганізатараў.
"Самаход у Брэсце" ў сацыяльных сетках: