Фрунзенскі раён можа дагнаць па колькасці жыхароў Гомель

За 2017 год колькасць зарэгістраваных у Фрунзенскім раёне грамадзян вырасла на 2 тыс. І цяпер перавышае 463 тыс., паведаміў кіраўнік адміністрацыі раёна Арцём Цуран на сустрэчы з насельніцтвам у школе № 140, перадае карэспандэнт агенцтва «Мінск-Навіны».

Фрунзенскі працягвае заставацца самай буйной адміністрацыйнай адзінкай Мінска. Па колькасці насельніцтва ён апярэджвае ўсе раённыя і абласныя цэнтры Беларусі, за выключэннем Гомеля. Але ўсё бліжэй падбіраецца і да гэтага горада: на 1 студзеня 2017 года ў Гомелі пражывалі 535 тыс. чалавек.
Раён застаецца і самым маладым. Сярэдні ўзрост яго жыхароў складае 32 гады.
— Гэта добра, што колькасць «фрунзенцаў» расце, насельніцтва маладзее. Бо галоўнай каштоўнасцю любой дзяржавы з'яўляюцца перш за ўсё яго грамадзяне, — адзначыў А. Цуран.