Віцэ-прэм'ер патлумачыў, чаму «кавідныя» надбаўкі медыкам «скарэктавалі»

Віцэ-прэм'ер Беларусі  Ігар Петрышэнка ў эфіры тэлеканала АНТ распавёў, чаму зменшыліся «кавідныя» выплаты медыкам.

«З улікам таго, што на пачатковым этапе была невядомая інфекцыя, пэўная прафесійная рызыка. Лекары патэнцыйна, паступаючы ў медыцынскія ВНУ, ужо першапачаткова сябе выракаюць у сваёй прафесіі на пэўныя рызыкі. Але кіраўніком дзяржавы было прынята рашэнне па выплаце так званых "кавідных" надбавак або кампенсацыйных выплат тым лекарам, сярэдняму медперсаналу і іншым работнікам, якія непасрэдна задзейнічаны ў ліквідацыі ўздзеяння гэтага віруса. І гэтыя выплаты захоўваюцца. [Правялі] пэўную карэкціроўку з улікам правапрымяняльнай практыкі, з улікам таго, што мы ажыццявілі пэўныя ахоўныя функцыі. Маюцца на ўвазе сродкі індывідуальнай абароны, у поўнай меры забяспечаны персанал медычны і сярэдні медперсанал. Пытанні, зноў жа, вакцынацыі — гэта таксама абароненасць медперсаналу. Таму павінен быць тут прынцып рацыянальнага расходавання бюджэтных сродкаў. Самае галоўнае, прынцып справядлівасці. Той, хто працуе ў "чырвонай зоне" з кавідпацыентамі, — у іх гэтыя надбаўкі захоўваюцца з улiкам адпрацаванага часу. Гэта ўсё інфекцыйныя аддзяленні, перапрафіляваныя аддзяленні, дзе знаходзяцца хворыя з кавідам, рэаніматолагі, анестэзіёлагі, гэта ўсё тыя катэгорыі, якім усе надбаўкі захоўваюцца. Адпаведна, і іншым — у залежнасці ад колькасці адпрацаванага часу. Гэта значыць толькі канкрэтна за перыяд прафесійнай рызыкі. У далейшым мы працягнем адпаведнае фінансаванне. Вы ведаеце, што на ліквідацыю гэтых наступстваў толькі па мінулым годзе недзе 562 млн мы патрацілі — грошы, якія былі не запланаваны. Па бягучых 8 месяцах мы гэтую лічбу на 200 млн перавысілі. Таму, вы бачыце, што дзяржава трымае гэтае пытанне на кантролі, і неабходная фінансавая падсілкоўванне гэтага працэсу ідзе і далей будзе ажыццяўляцца».