Міністэрства аховы здароўя паведаміла пра 1766 выпадкі каронавіруса за суткі
За суткі ў Беларусі выяўлена 1766 новых выпадкаў каронавірусу, паведаміла прэс-служба Міністэрства аховы здароўя.
Фота: t.me/minzdravbelarus
Агульная колькасць зарэгістраваных у краіне пацыентаў з COVID-19 з пачатку пандэміі склала 248336 чалавек, піша REFORM.by.
За суткі выпісаныя 2339 пацыентаў. Усяго ачунялі 235838 чалавек з пацверджаным раней каронавірусам.
Ужо тыдзень колькасць памерлых за суткі складае 10 чалавек. За ўвесь перыяд распаўсюджвання інфекцыі на тэрыторыі Беларусі памерлі 1718 пацыентаў з COVID-19.
Усяго ў краіне праведзена 4 472 745 тэстаў. З іх за мінулыя суткі выканана 19358 даследаванняў.