На крэйдавым кар'еры пад Ваўкавыскам патанула 6-гадовая дзяўчынка
Яна жыла непадалёк і прыйшла да кар'ера адна, цела выявіў прахожы.
Кар'ер у Ваўкавыску
У суботу ў крэйдавым кар'еры пад Ваўкавыскам загінула шасцігадовая дзяўчынка, паведамляе Следчы камітэт.
Па звестках следчых, яна жыла непадалёк і прыйшла туды адна. Яе цела выявіў прахожы. Цяпер Ваўкавыскі аддзел СК праводзіць праверку.
Гэтыя крэйдавыя кар'еры называюць «беларускімі Мальдывамі» з-за іх фотагенічнасці і незвычайнага адцення вады. Тым не менш купацца ў іх забаронена з-за вялізнай глыбіні і неадпаведнасці вады санітарным нормам.