На праспекце Незалежнасці на ўсе выходныя абмяжуюць рух
З вечара пятніцы, 11 чэрвеня, да раніцы панядзелка 14 чэрвеня на ўчастку праспекта Незалежнасці ад вуліцы Фогеля да вуліцы Астрашыцкай будзе абмежаваны рух.

Фота Дзмітрыя Дзмітрыева
Як паведамляе прэс-служба ДАІ Мінска, рух абмяжуюць у сувязі з рамонтам дарожнага палатна. Удакладняецца, што рух у абодвух напрамках будзе абмежаваны з 22 гадзін пятніцы да 6-й раніцы панядзелка. Грамадзян просяць улічваць гэтую інфармацыю пры выбары маршрутаў.
