На Прыпяці ў раёне Жыткавічаў зрабілі пантонны мост — наўзамен аварыйнаму
На Прыпяці ў раёне Жыткавічаў адкрылі рух праз пантонны мост — 10 снежня пераправу паспяхова прайшоў ваенны аўтамабіль КрАЗ і такім чынам праверыў яе бяспечнасць.
Як перадае БЕЛТА, наплаўны мост узводзілі інжынерныя войскі Узброеных Сіл пры дапамозе атрадаў МНС.
Шырыня ракі ў месцы пераправы складае 146 метраў. Агульная даўжыня моста дасягае 152,5 метра. Цяпер праз гэты мост можа ажыццяўляцца аўтамабільны рух, прычым ён павінен вытрываць нават грузавы транспарт.
7 снежня на аўтамабільным мосце на трасе Р-88 Жыткавічы — Давід-Гарадок — мяжа Украіны выявілі расколіну ў канструкцыі. Рух праз мост быў закрыты. Затым было прынятае рашэнне ўзвесці часовую пантонную пераправу, пакуль мост будзе рамантавацца.
