Непаўнагадовыя, якія сядзяць па наркаартыкуле 328, трапяць пад амністыю
Хадайніцтвы будуць разглядацца толькі тады, калі разам з матэрыяламі справы паступяць паручальніцтва ад блізкіх сваякоў, што яны возьмуць на парукі дзяцей.
Для тых, каго ў Беларусі амністуюць па ўсіх частках наркаартыкула, увядуць інстытут паручальнікаў.
Бліжэйшым часам у Беларусі пройдзе амністыя. Намеснік кіраўніка Адміністрацыі прэзідэнта Вольга Чупрыс у інтэрв'ю праграме «Галоўны эфір» на тэлеканале «Беларусь 1» распавяла, каму з асуджаных могуць скараціць тэрміны.
— Кіраўнік дзяржавы пасля абмеркавання падтрымаў прапанову, выказаную Вярхоўным судом, пра тое, каб распаўсюдзіць гэтую меру на непаўнагадовых, якія ўчынілі злачынствы ў сферы абароту наркотыкаў. На іх будзе распаўсюджвацца гэтая мера, незалежна ад частак артыкула 328 Крымінальнага кодэкса, нават калі яны здзейснілі злачынства паводле часткі 1 або часткі 4, — пракаментавала Вольга Чупрыс вынікі нарады ў кіраўніка Беларусі па пытаннях амністыі і памілавання.
Асабліва падкрэсліваецца, што гэта не паслабленне барацьбы з псіхатропамі, папросту вырашана, што не хочацца за правіну ламаць жыццё падлетку.
Для тых, хто асуджаны за злачынствы ў сферы незаконнага абароту наркотыкаў, будзе задзейнічаны інстытут паручальніцтва.
— Хадайніцтвы будуць разглядацца толькі тады, калі разам з матэрыяламі справы паступяць паручальніцтва ад блізкіх сваякоў, што яны возьмуць на парукі дзяцей і тыя будуць на асаблівым кантролі, — патлумачыла яна.
Паводле www.kp.by