Палітвязня Максіма Знака змясцілі ў ПКТ

У памяшканні камернага тыпу вязні маюць права атаварвацца ў месяц толькі на 32 рублі, атрымліваць адну бандэроль на паўгода і выходзіць на шпацыр на 30 хвілін, нагадваюць праваабаронцы.

Максім Знак. Фота ТАСС

Максім Знак. Фота ТАСС

Вядома таксама, што перад гэтым адміністрацыя віцебскай калоніі тройчы змяшчала Максіма ў штрафны ізалятар.

Нагадаем, палітзняволеных Максіма Знака і Марыю Калеснікаву абвінавачвалі ў спробе захопу ўлады, публічных закліках да дзеянняў, скіраваных на прычыненне шкоды нацыянальнай бяспецы, і стварэнні экстрэмісцкага фарміравання.


Адвакат Максім Знак быў сябрам прэзідыума Каардынацыйнай рады па ўрэгуляванні палітычнага крызісу. Яго арыштавалі 9 верасня 2020 года.

6 верасня суддзя Сяргей Епіхаў асудзіў Знака да 10 гадоў калоніі.


У траўні 2022 года ААН прызнала зняволенне Максіма Знака неправамерным.

КДБ унёс Максіма ў спіс асобаў, «датычных да тэрарыстычнай дзейнасці».


Падтрымайце Максіма Знака лістамі салідарнасці, тэлеграмамі і паштоўкамі: ПК № 3, 211322, Віцебская вобласць, г.п. Віцьба, Максіму Аляксандравічу Знаку