Памёр Чэслаў Сэнюх — польскі перакладчык твораў Коласа, Караткевіча і Быкава

Ва ўзросце 91 года памёр польскі літаратар і перакладчык Чэслаў Сэнюх — вялікі сябар беларускай культуры. Пра гэта напісаў у сацсетках Уладзімір Някляеў.

seniuch_0910.jpg

Сэнюх нарадзіўся ў 1930 годзе ў Любчы на Навагрудчыне. Бацьку перад вайной саслалі ў Новасібірск як «ворага народа», дзе ён і памёр у 1941 годзе. Сам Чэслаў падчас вайны быў у Саюзе беларускай моладзі.

У 1945-м сям'я пераехала ў Польшчу. Чэслаў Сэнюх скончыў філалагічны факультэт Варшаўскага ўніверсітэта.

Ён перакладаў на польскую мову паэму Якуба Коласа «Новая зямля», раман Уладзімра Караткевіча «Хрыстос прызямліўся ў Гародні», аповесць Васіля Быкава «Аблава», вершы Максіма Танка, Уладзіміра Арлова, Славаміра Адамовіча, Рыгора Барадуліна, Уладзіміра Някляева ды інш.

Паводле «Еўрарадыё».