Распачаўся суд за наезд на супрацоўніка міліцыі ў жніўні 2020 года

На відэа з рэгістратара службовага аўтамабіля ДАІ бачна вялікае колькасць супрацоўнікаў міліцыі ў поўнай экіпіроўцы. Моманту наезду на аднаго з іх не бачна.

У судзе Баранавічскага раёна і Баранавіч 6 ліпеня пачаўся разгляд крымінальнай справы Паўла Лінкевіча, абвінавачанага ў наўмысным прычыненні цяжкага цялеснага пашкоджання супрацоўніку міліцыі (ч. 2 арт. 147 Крымінальнага кодэкса), паведамляюць праваабаронцы.

Судовы працэс вядзе суддзя Мікалай Кміта.

Згодна з матэрыяламі следства, у жніўні 2020 года ў Баранавічах 35-гадовы Павел Лянкевіч, які кіраваў пазадарожнікам, здзейсніў наўмысны наезд на супрацоўніка органаў унутраных спраў, што ажыццяўляў ахову грамадскага парадку. У выніку супрацоўніку былі прычыненыя цяжкія цялесныя пашкоджанні, з якімі яго шпіталізавалі ў бальніцу.

Следчыя паведамляюць, што ў пэўны момант увагу супрацоўнікаў міліцыі прыцягнуў пазадарожнік з замежнымі рэгістрацыйнымі знакамі і таніраваным шклом. Калі міліцыянты накіраваліся да аўтамабіля, абвінавачаны пачаў рух заднім ходам і наўмысна наехаў на аднаго з іх, пасля чаго ўцёк з месца здарэння.

Супрацоўнікі ДАІ пераследавалі абвінавачанага, аднак кіроўца кінуў свой аўтамабіль паблізу вёскі Антанова, а сам схаваўся.

На відэа з рэгістратара службовага аўтамабіля ДАІ бачна вялікае колькасць супрацоўнікаў міліцыі ў поўнай экіпіроўцы. Моманту наезду на аднаго з іх не бачна.

Мужчына быў абвешчаны ў вышук, і пасля вяртання з Польшчы 5 траўня 2022 года ў Баранавічы ён быў затрыманы і змешчаны пад варту.

Падчас папярэдняга следства Лінкевіч віну не прызнаў. Растлумачыў, што ў яго не было намеру на прычыненне супрацоўніку АУС цялесных пашкоджанняў, а зрабіў ён гэта па неасцярожнасці.

Судовы працэс над Паўлам Лянкевічам працягваецца.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: