«Страты для рэжыму большыя, чым набыткі». Валерый Карбалевіч — пра шпіёнскі фільм АНТ

Вядомы беларускі палітолаг таксама выказаўся пра ўчарашні фільм «Манкурты», які паказалі на канале АНТ. Як і большасць аналітыкаў, Валерый Карбалевіч паставіўся да твора дзяржаўнага ТБ скептычна. 

«Уважліва паглядзеў шпіёнскі фільм АНТ "Манкурты", — напісаў Валерый Карбалевіч. — Маўляў, выдатная апэрацыя КДБ. Вось якраз наконт апошняга і сумненні.

Глядзіце, што атрымліваецца. КДБ нібыта ахвяруе дыскрэдытацыяй Наталлі Эйсмант і Мікалая Латышонка — людзьмі з бліжэйшага атачэння Лукашэнкі. Бліжэй ужо няма.

КДБ прызнае, што ў сілавых структурах далёка не ўсе адданыя існаму рэжыму.

Дзеля чаго?

1. Каб даказаць, што Сцяпан Пуціла і Ігар Макар супрацоўнічаюць з замежнымі спецслужбамі.

2. Каб упэўніцца, што замежныя службы цікавяцца Беларуссю.

3. Каб даведацца пра нелегальныя схемы перавозкі праз мяжу.

І ўзнікае галоўнае пытанне: ці варта аўчынка вырабу? Як на мой погляд, страты для рэжыму большыя, чым набыткі».