Супрацоўнікаў «БЕЛАЗа» выклікаюць на допыты, дзе распытваюць пра апазіцыю і забастоўкі

Супрацоўнікі «БЕЛАЗа» атрымліваюць позвы ў міліцыю ў якасці сведак, паведамляюць чытачы EX-PRESS.BY.

Паводле іх інфармацыі, завадчанам задаюць каля 30 пытанняў: пра стаўленне да Святланы Ціханоўскай, Кардынацыйнай рады, пытаюцца, ці выходзілі страйкаваць у жніўні мінулага года і хто падтрымлівае страйк. Ва ўсіх бяруць падпіску аб неразгалошванні.
«Новы Час» мае звесткі, што падобныя допыты супрацоўнікаў праходзяць і на іншых прадпрыемствах краіны.