У бабруйскім ІЧУ пяцёра затрыманых трымаюць галадоўку

Пяць чалавек, якіх затрымалі на Дні Волі, трымаюць галадоўку ў бабруйскім ізалятары часовага ўтрымання.

30 сакавіка стала вядома, што жыхар Бабруйска Павел Кабанчук, якому суд даў 15 сутак арышту за налепку з «Пагоняй» на аўтамабілі, ужо чацвёрты дзень трымае галадоўку.

Пра гэта напісала яго маці Таісія на сваёй старонцы ў Facebook. Таксама яна кажа, што Паўлу некалькі дзён запар не дазваляюць перадаць ваду.

А сёння, 1 красавіка, стала вядома, што акрамя Паўла Кабанчука галадаюць яшчэ чацвёра мужчын, піша «Белсат». Гэта Іван Манько, Уладзімір Міхалап, якога асудзілі на 30 сутак, інвалід III групы Сяргей Бяляеў і Аляксандр Парахневіч, якога суд пакараў 20 суткамі арышту.