У Беларусі пачалі красці грошы праз смартфон. Як засцерагчыся?

Грамадства

У Беларусі з'явілася новая разнавіднасць кіберзлачынстваў — крадзеж грошай абанентаў сотавай сувязі праз мабільны банкінг. Грошы крадуць праз смартфон пацярпелага, адзначаюць у МУС. У ведамстве распавялі, як прадухіліць крадзеж грошай з тэлефона.

fraudmobile.jpg

— Зламыснікі шукаюць ахвяр у грамадскіх месцах, а часам проста звяртаюцца да сваіх знаёмых, і просяць тэлефон, каб патэлефанаваць, — распавёў намеснік начальніка ўпраўлення па раскрыцці злачынстваў у сферы высокіх тэхналогій крымінальнай міліцыі МУС Уладзімір Зайцаў.

— Калі апарат трапляе ў рукі аферыста, ён робіць выгляд, што набірае нумар, а насамрэч пры дапамозе USSD-запыту або выхаду ў інтэрнэт актывуе прадастаўленую некаторымі аператарамі сотавай сувязі паслугу мабільнага банкінгу.


Яна дазваляе ажыццявіць аперацыі з асабістага рахунку абанента і атрымаць у аператара сотавай сувязі лімітаваны мікразайм. Сума, якая паступіла гаспадару гаджэта, у некалькі дотыкаў пераводзіцца на расійскія абаненцкія нумары або банкаўскія рахункі. Туды ж могуць сысці і сродкі з балансу мабільнага тэлефона. Усё гэта займае літаральна пару хвілін.

2f7540e13c9424b6dbc82d5be286557d.png


Спецыяліст дадае, што «ў выніку грамадзяне мала таго, што застаюцца без грошай, так яшчэ вымушаныя пагашаць мікразайм разам з працэнтамі і ўносіць абаненцкую плату за выкарыстанне мабільнага банкінгу».
У МУС адзначаюць, што гэты від крадзяжоў з'явіўся ў канцы мінулага года.

— Літаральна праз месяц супрацоўнікі падраздзяленняў па раскрыцці злачынстваў у сферы высокіх тэхналогій ужо правялі затрыманні датычных да гэтага асоб. Двое мужчын па папярэдняй змове займаліся такой дзейнасцю ў Мінску і Магілёве. Ёсць не менш за пятнаццаць пацярпелых. Ёсць падставы меркаваць, што эпізодаў было значна больш. Пакуль жа агульная сума шкоды складае больш за 2 тыс. рублёў, — дадаў Уладзімір Зайцаў.


Каб засцерагчы сябе, у МУС раяць не перадаваць тэлефон іншым людзям, нават прыяцелям і ўсталяваць на смартфоне блакаванне (з дапамогай PIN-кода, пароля, графічнага ключа, сканера адбітка пальца, фэйскантролю).

— Не губляе актуальнасці праблема махлярстваў у сацыяльных сетках. Зламыснікі дамагаюцца сваіх мэтаў рознымі спосабамі. Напрыклад, узломваюць чужыя акаўнты або ствараюць поўныя дублікаты асабістых старонак грамадзян, карыстаючыся інфармацыяй і фатаграфіямі з адкрытага доступу, а затым ад імя гэтых людзей рассылаюць паведамлення іх віртуальным сябрам з просьбамі аб фінансавай дапамогі.


Звычайна згадваюць невялікую - ад 10 да 50 рублёў - суму, якую трэба перавесці на карт-рахунак, электронны кашалёк, баланс мабільнага тэлефона, - кажа Уладзімір Зайцаў.
Спецыяліст распавядае, што ашуканцы спрабуюць даведацца рэквізіты банкаўскай аплатнай карты карыстальніка, з якім вядуць перапіску са узламаных або фэйкавых старонак.

— Небяспека заключаецца не толькі ў тым, што атрымаўшы ўсе неабходныя дадзеныя, зламыснікі могуць абчысціць карт-рахунак або баланс мабільнага тэлефона. Згаджаючыся даць рэквізіты банкаўскай карты або свой нумар, грамадзяне рызыкуюць выступіць у якасці пасярэдніка пры пераводзе грошай іншага пацярпелага ашуканцу, што піша з фэйкавай старонкі і, як правіла, які знаходзіцца за межамі Беларусі, - растлумачыў Уладзімір Зайцаў.


У МУС рэкамендуюць перш чым пераводзіць грошы па просьбе знаёмага, высветліць, ці ён аўтар падазроных паведамленняў. Спецыялісты таксама раяць нікому не паведамляць рэквізіты сваёй банкаўскай аплатнай карты. «Таксама нельга распаўсюджваць у інтэрнэце здымкі яе пярэдняга і адваротнага боку. Староннія не павінны ведаць і звесткі, атрыманыя ў смс-паведамленнях: коды доступу і актывацыі, сеансавым ключы і іншае. Гэта таксама можа прывесці да крадзяжу грошай, завалодання акаўнтамі ў сацыяльных сетках або электроннымі паштовымі скрынямі», - раяць у МУС.
Наша Ніва