У Брэсце дазволены два пікеты ў Дзень правоў чалавека
Брэсцкі праваабаронца Уладзімір Вялічкін і старшыня абласнога прафсаюза радыёэлектроннай прамысловасці Зінаіда Міхнюк атрымалі дазволы на правядзенне пікетаў 10 снежня – на 65 угодкі прыняцця Усеагульнай дэкларацыі правоў чалавека.
Пікет, замоўлены Зінаідай Міхнюк, пройдзе ў парку воінаў-інтэрнацыяналістаў з 13 да 15 гадзін, у акцыі плануецца ўдзел 15 чалавек.
Пікет, замоўлены Ўладзімірам Вялічкіным, пройдзе на стадыёне “Лакаматыў” таксама з 13 да 15 гадзін, у ім запланаваны ўдзел 15 чалавек.
Дазволы на пікеты падпісаны намеснікам старшыні гарвыканкама Генадзем Барысюком.