У пятніцу, 16 снежня, у галоўнай ялінкі Украіны ў сацыяльнай сетцы LiveJournal з'явіўся ўласны сатырычны блог пад назвай jolka-ua.
Першае паведамленне было апублікавана ў пятніцу а 19:55 пад назвай "Я — Ялінка. І мне сумна".
У сваіх паведамленнях Ялінка скардзіцца на тое, што "яна нікому не падабаецца, яе ніхто не разумее" і "ёй ад гэтага сумна".
"Мяне ніхто не любіць і не ўспрымае ўсур'ёз, з мяне ўсе смяюцца", — сказана ў адным з паведамленняў, падмацаваных фотакарыкатурамі на галоўнае навагодняе
дрэва краіны.
Трэба адзначыць, што ўсталяваная на Майдане Незалежнасці ялінка не спадабалася таксама і прэм'ер-міністру Украіны Мікалаю Азараву.
Як паведамлялася, учора з навагодняй ялінкі на Майдане Незалежнасці пачалі здымаць упрыгожванні.
Паводле Корреспондент.net
