У Горадні ўлады хочуць стварыць музей ВКЛ

Музей ВКЛ можа размясціцца ў цэнтры горада ў будынку Нацыянальнага гістарычнага архіва на плошчы Тызенгаўза, пабудаваным ў другой палове XVIII стагоддзя.



Пра гэта заявіў старшыня Гродзенскага гарвыканкама Мечыслаў Гой. Ён адзначыў, што аналагаў такому музею пакуль няма ў нашай краіне, паведамляе БЕЛТА.

Старшыня Гродзенскага гарвыканкама адзначыў, што магчымасць стварэння музея Вялікага княства Літоўскага абмяркоўваецца разам з літоўскімі калегамі (напрыклад, з мэрам Друскінінкая). Яго з'яўленне ў Горадні не толькі прыцягне турыстаў, але і станоўча паўплывае на імідж горада, лічыць Мечыслаў Гой.

У будынку былога архіва, акрамя музея, могуць стварыць кафэ, шматлікія залы і нават падземны кіназала на 200 месцаў.