«Занепакоеныя паведамленнямі пра гвалт у адносінах да жанчын». УЕФА крытыкуюць за рашэнне правесці ЧЕ сярод дзяўчат да 19 гадоў у Беларусі

Міжнародная федэрацыя асацыяцый прафесійных футбалістаў (FIFPro) раскрытыкавала рашэнне УЕФА аб тым, што Беларусь прыме ў 2025 годзе фінальную частку чэмпіянату Еўропы сярод дзяўчат да 19 гадоў.

«FIFPro занепакоеная бяспекай гульцоў, а таксама канкрэтнымі паведамленнямі пра гвалт у адносінах да жанчын у краіне.
Таксама мы занепакоеныя тым, як улады абыходзяцца са спартоўцамі ў Беларусі, якія сталі аб'ектамі пераследу па адміністрацыйных справах. З-за сваёй падтрымкі дэмакратычных рухаў лідары Беларускага фонду спартыўнай салідарнасці (BSSF) з'яўляюцца аднымі з тых, хто сутыкнуўся з жорсткім стаўленнем з боку ўладаў.
Беларуская асацыяцыя прафесійных футбалістаў сутыкнулася з цяжкасцямі пры рэгістрацыі, і некаторыя гульцы асцерагаюцца ўступаць у арганізацыю з-за запалохвання членаў BSSF.
Мы будзем рашуча абараняць правы прафесійных футбалістаў і іншых спартсменаў на свабоду слова і свабоду аб'яднанняў.
Як і нашы калегі з Сусветнай асацыяцыі гульцоў, мы заклікаем міжнародныя спартыўныя зацікаўленыя бакі, уключаючы Міжнародны алімпійскі камітэт (МАК), ФІФА і УЕФА, аказаць значны ўплыў на абарону спартсменаў», — гаворыцца ў заяве
Tribuna