Затрымалі былога вядоўцу праграмы «Зона X» на БТ. Нібыта ўдзельнічаў у пратэстах

Праваабаронцам стала вядома, што яшчэ 11 сакавіка пасля ператрусу ў кватэры ў Мінску быў затрыманы журналіст Дзмітрый Лукша. Дзмітрый працаваў пазаштатным карэспандэнтам казахстанскага тэлеканала «Хабар 24», і падставай для яго затрымання стаў яго апошні сюжэт на канале.

Спачатку Дзмітрыю інкрымінавалі арт. 369 Крымінальнага кодэксу (Абраза прадстаўніка ўлады), затым дадалі артыкул 342 КК (Арганізацыя альбо актыўны ўдзел у групавых дзеяннях, груба парушаючых грамадскі парадак). Ён утрымліваецца ў СІЗА-1 на Валадарскага.

Вядома, што раней Лукша шмат гадоў працаваў у Белтэлерадыёкампаніі, быў вядучым праграмы «Зона X».