Беларус здолеў дамагчыся адмены ў Барселоне канцэрта аматара Пуціна і Лукашэнкі

Запланаванага на 30 сакавіка канцэрта Эміра Кустурыцы і яго бэнду The No Smoking Orchestra ў Барселоне не будзе — яго адмянілі.

Ініцыятарам гэтай кампаніі стаў Павел Кірылёнак, беларускі гід у Каталоніі, паведамляе @by_culture.

Павел распавёў: "Гэта было няпроста. Палац каталонскай музыкі доўга супраціўляўся, ігнараваў сотні лістоў і дзясяткі званкоў... Але спрацавала петыцыя ад імя ўкраінскіх і беларускіх асацыяцый з патрабаваннем адмены, дэталёвай аргументацыяй, чаму мы гэта патрабуем, ды пагрозац зрабіць вялікі пікет проста ў момант канцэрту. Разаслалі ў СМІ, праз паўдня была адмена".

Сербскі рэжысёр і музыка Эмір Кустурыца — сябар Пуціна і Лукашэнкі. Пасля захопу Крыма заклікаў Расію "абараняць этнічных рускіх, што жывуць ва Украіне". За пару дзён да вайны Кустурыцу з ініцыятывы міністра абароны Расіі Сяргея Шайгу прызначылі рэжысёрам Цэнтральнага тэатра расійскай арміі. Але праз тыдзень, спаслаўшыся на цяжкасці перакладу, Кустурыца заявіў, што збіраўся паставіць там толькі тры спектаклі.


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: