Фінал блізка: VOKA пакажа першую серыю новага сезона «Гульні тронаў» на вялікім экране

Бясплатны паказ «Гульні тронаў» пройдзе ў Мінску. 15 красавіка адбудзецца рускамоўная прэм’ера восьмага сезона культавай фэнтэзі-сагі HBO «Гульня тронаў», у гэты ж дзень у Мінску пройдзе спецыяльны паказ першай серыі ад відэасэрвіса VOKA на вялікім экране. Наступныя эпізоды «Гульні тронаў» можна будзе ўбачыць на сэрвісе па падпісцы «Амедыатэка». Бясплатна да прагляду да канца сакавіка будзе даступны першы сезон серыяла.

Спецыяльны прэм’ерны паказ першага эпізода фінальнага, восьмага сезона «Гульні тронаў» адбудзецца адначасова са ўсім светам – 15 красавіка мінчане змогуць убачыць на вялікім экране «пачатак канца»: даведаюцца, да чаго прывядзе рэюніан Старкаў і што чакае Дэйенэрыс Таргарыен на шляху да Жалезнага трону, якія хмары згушчаюцца над сям’ёй Ланістараў і ці змогуць смяротныя аб’яднацца ў барацьбе супраць белых хадакоў. 

Каб трапіць на паказ, арганізатары прапаноўваюць фанатам «Гульні тронаў» паспрабаваць сваю моц у геральдыцы: неабходна прыдумаць і візуалізаваць герб і дэвіз да выдуманага дома паводле серыяла. Жывёла ці стыхія, рамяство ці частка быта – якім можа быць настрой новага клана сусвету Джорджа Мартына і ў чым разыначка гэтага дома, вырашаюць удзельнікі. Фантазія не абмежаваная, галоўнай умовай з’яўляецца апублікаваць работу з 18 сакавіка па 2 красавіка на сваёй старонцы ў адной з сацыяльных сетках з адметкай акаўнта VOKA.TV і хэштэгам #контентблизко, а таксама быць падпісаным на афіцыйны акаўнт відэасэрвіса ў абранай сацсетцы. 

Інфармацыю пра тое, як трапіць на закрыты паказ, можна знайсці ў сацыяльных сетках VOKA. Пакуль жа прыхільнікі сагі маюць унікальную магчымасць узгадаць, як усё пачыналася: да 31 сакавіка ўключна першы сезон «Гульні тронаў» будзе даступны на VOKA па падпісцы «Амедыатэка» цалкам бясплатна – для прагляда любімых серый у высокім раздзяленні неабходная толькі аўтарызацыя.

«Гульня тронаў» – гэта культавы фэнтэзі-серыял па матывах серыі раманаў Джорджа Мартына «Песня Лёду і Агню». Першыя серыі з’явіліся на экранах у 2011 годзе. За восем гадоў існавання серыял быў намінаваны ў агульнай складанасці на 381 пазіцыю розных прэмій і быў удастоены перамогі ў 244 з іх. Па дадзеным Forbes, фінальны эпізод сёмага сезона па кабельным тэлебачанні паглядзела больш за 16 мільёнаў чалавек – гэтым серыял пабіў сусветны рэкорд па колькасці адначасовых падключэнняў да трансляцыі.

Папулярныя замежныя серыялы, уключаючы хіты HBO, такія як «Свет Дзікага Захаду», «Вялікая маленькая хлусня», «Вострыя рэчы», «Расповед служанкі», «Добры Доктар» і іншыя, можна ўбачыць на VOKA па падпісцы «Амедыатэка». VOKA – гэта відэасэрвіс, які дазваляе глядзець новыя і любімыя фільмы, серыялы, анлайн-трансляцыі, а таксама каля 120 тэлеканалаў на любой прыладзе абанентам любой сеткі. Падрабязнасці пра сэрвіс – на https://www.voka.tv/about/.