Гайд па лепшых беларускіх курсах: ад Open data i фінансаў да фатаграфіі ды вуснай гісторыі

Платформа відэа-курсаў Лятучага ўніверсітэту падрыхтавала агляд гайдаў, са зместам якіх можна бясплатна азнаёміцца і падвысіць свае веды.

Існуе не толькі відэафармат, але і аўдыё: падкасты на сайце online платформы да на SoundCloud.
Калі ты свядома падыходзіш да самаразвіцця і лічыш, што гэта правільна мець асабістае абгрунтаванае меркаванне — тады online платформа Лятучага ўніверсітэта дакладна для цябе!
Стваральнікі і аўтары курсаў не бягуць за хайпавымі тэмамі і не ствараюць чарговы відэа-курс па моднаму пытанню. Лятучы ўніверсітэт робіць нестандартныя аўтарскія курсы на няпростыя тэмы, пасля прагляда якіх ты дакладна зможаш адстаяць сваю пазіцыю. А калі дабярэшся да дадатковых матэрыялаў — стаць экспертам/кай.
Вось некаторыя тэмы, па якім ты можаш дасягнуць новага лэвэлу:

Будучыня


1. Курс па Open Data «Уводзіны ў адкрытыя дадзеныя»

Ведаеш што такое Open Data і мажаш працытаваць Хартыю адкрытых дадзеных па памяці? І нават у гэтым выпадку табе будзе цікава даведацца: хто і як можа атрымаць выгаду ад Open Data, хто і як збірае і ацэньвае дадзеныя, што лічаць эксперты пра становішча з Open Data у свеце ды ў нас, і шмат чаго яшчэ.Big brother is watching you!
Курс: https://dp.fly-uni.org/courses/vvedenie-v-otkrytye-dannyeАўдыё:https://soundcloud.com/user-vedy-online/sets/open_data
2. Уводзіны ў сістэмны падыход


Гуманітарныя веды могуць быць не меньш дакладнымі за тэхнічныя, бо таксама працуе з допускамі і верагоднасцямі, з нявызначанасцю. Але тэхнары гэтага не палохаюцца, бо ўмеюць лічыць.
Будзем разбірацца як можна «лічыць» складаныя гуманітарныя сістэмы ды схемы.
Курс: https://dp.fly-uni.org/courses/propedevtika-sistemnogo-podxoda-dlya-gumanitarievАўдыё: https://dp.fly-uni.org/podcasts/vvedenie-v-sistemnyj-podxod-dlya-gumanitariev

3. Адкрытыя праблемы і парадоксы біяэтыкі


Як выяўляецца сутнасць жыцця і смерці? Медыцынскі «сіндром бога»- to will or not to will. Гарвардскі крытэр смерці — ці актуальны пры цяперашнім узроўні медыцыны? Эўтаназія, сурагатнае мацярынства — этычна, але антырэлігійна?
І гэта мы толькі пачалі пералік! Адразу ж падкрэслім — не надта кароткі курс, але ж пагадзіцеся, у двух словах пра такія пытанні не распавесці
Lifehack — павяліч хуткасць прайгравання відэа, калі схопліваеш на хаду.
Курс: https://dp.fly-uni.org/courses/otkrytye-problemy-i-paradoksy-bioetikiАўдыё: https://dp.fly-uni.org/podcasts/otkrytye-problemy-i-paradoksy-bioetiki/
4. Гарады і змяненне клімату: што і навошта трэба ведаць


Па-першае, калі ты абмяркоўваў Грэту Тунберг — гэта твая тэма.
Па-другое, у Беларусі не ўсё так блага, трэбы толькі не дазваляць руйнавацца ўжо створанаму ды планамерна дадаваць новае.
Па-трэцяе, паслухай курс — у ім вельмі файна выкладзены ўсе пытанні. Ды ў дадатак, там шмат малюнкаў і прыкладаў — усе як нам падабаецца.
Курс: https://dp.fly-uni.org/courses/goroda-i-izmenenie-klimataАўдыё: https://dp.fly-uni.org/podcasts/goroda-i-izmenenie-klimata-chto-i-zachem-nuzhno-znat/

Як усё вось гэта вось працуе?

5. Грошы, фінансавае пасрэдніцтва і іх роля ў эканоміцы


Плануеш майніць біткоіны, гуляць на біржы ці ў цябе проста ёсць свае асабістыя грошы? Тады табе дакладны трэба паглядзець гэты курс! З аднаго боку ты зразумееш як усё складана, а з другога — пачнеш разбірацца ва ўсёй глабальнай схеме.
Курс: https://dp.fly-uni.org/courses/dengiАўдыё: https://dp.fly-uni.org/podcasts/dengi-finansovoe-posrednichestvo-i-ix-rol-v-ekonomike/
6. Практычная палітыка


Ты калі-небудзь параўноўваў/а палітыку з працай па стварэнні маляванага мульціка? А можаш сказаць, калі сітуацыя становіцца палітычнай? Ці хочаш разабрацца ў палітычных знаках і сімвалах, у паліттэхналогіях?
Пераходзь па спасылцы. Але папярэджваем — курс-чэлендж! Курс не для ўсіх, але для кожнага!
Курс: https://dp.fly-uni.org/courses/praktychnaya-palitykaАўдыё: https://dp.fly-uni.org/podcasts/praktychnaya-palityka/
7. Сучаснае адукацыя: радыкальныя змены

Можаш, як Пракапеня, распавесці, што бы ты змяніў/ла ў сістэме адукацыі? Ці лічыш, што павышэнне заробку настаўнікам вырашыць усе пытанні? Ці ўпэўнены/на, што ані школа, ані ўніверсітэт не змогуць падрыхтаваць чалавека да сучаснага жыцця?
Чаму і што не так у нас і ў свеце, давай разбірацца:
Курс: https://dp.fly-uni.org/courses/sovremennoe-obrazovanie-radikalnye-izmeneniyaАўдыё: https://dp.fly-uni.org/podcasts/sovremennoe-obrazovanie-radikalnye-izmeneniya/
8. Сацыяльнае ўяўнае і ягоныя межы


Існуе рубеж, пасля якога чалавецтва кожны раз спараджае рэпрэсіўныя механізмы кіравання. Дык ці ёсць мяжа магчымасцям чалавека ствараць «новы парадак»? Ці можна сканструяваць нацыю?
Адзін з самых глыбокіх і сур’ёзных курсаў. Крыху болей за гадзіну — і ты зможаш зрабіць аналіз сацыяльна-палітычнай рэчаіснасці па «The Lord of the Rings»
Курс: https://dp.fly-uni.org/courses/socialnoe-voobrazhaemoe-i-ego-predelyАўдыё: https://dp.fly-uni.org/podcasts/socialnoe-voobrazhaemoe-i-ego-predely

Чалавечае ў чалавеку

9. Гульня ў культуры, мысленні і практыкі


Часам кажуць, што сучасны чалавек — гэта чалавек які гуляе. Ды ўвогуле «увесь свет — гульня». А як насамрэч?
Чым адрозніваюцца бізнэсовыя гульні ад гульняў жывога дзеяння ды моўных? Прычым тут тэатр? Паспрабуй разабрацца:
Курс: https://dp.fly-uni.org/courses/igra-v-kulture-myshlenii-i-praktikeАўдыё: https://dp.fly-uni.org/podcasts/igra-v-kulture-myshlenii-i-praktike/
10. Прамоўленая гісторыя Беларусі ХХ ст.


Ці з’яўляюцца каштоўнасцю для гісторыі асабістыя ўспаміны? Ці змогуць нашыя с табой успаміны ўдакладніць афіцыйна прыняты гістарычны факт?
Шчыра скажам, на апошніх двух лекцыях мы амаль не стрымалі эмоцыі. Другая сусветная, Чарнобыль і калектывізацыя, як гэта распавядаюць сведкі — вельмі кранальна!
Курс: https://dp.fly-uni.org/courses/pramoulenaya-historiaАўдыё: https://dp.fly-uni.org/podcasts/pramo%d1%9elenaya-gistoryya-belarusi-xx-st/
11. Дзве гісторыі стварэння ў кнізе Роду


Не было ані Адама, ані Евы. Ды яблык — зусім не яблык! Версій стварэння свету ў Бібліі цэлых дзве! Ды наогул, перавесці навукоўцы могуць далёка не ўсе словы і фразы.
Што чалавецтва насамрэч ведае пра Біблію, калі адкінуць увесь царкоўны маркетынг?
Курс: https://dp.fly-uni.org/courses/dzve-gistoryi-stvarennya-%d1%9e-knize-rodu/Аўдыё: https://dp.fly-uni.org/podcasts/dzve-gistoryi-stvarennya-%d1%9e-knize-rodu/
12. Спадчына: каштоўнасці і практыка


Чаму Гарадавы гэта не помнік, а зарослы падмурак замка — помнік?
Будаўнічая рэканструкцыя vs навуковая рэканструкцыя. Пасля аднаўлення гістарычнага помніка, што мы атрымліваем: арыгінал альбо новы помнік?
Разбіраемся з нашай і вашай спадчынай:
Курс: https://dp.fly-uni.org/courses/nasledieАўдыё: https://dp.fly-uni.org/podcasts/nasledie
Фух! Мы распавялі амаль пра ўсе курсы, акрамя курсаў па дызайне, гісторый фатаграфіі, Кнізе Роду, філасофіі гісторыі. Калі цікавішся гэтымі тэмамі — яны твае!
Глядзі:www.dp.fly-uni.orgСлухай: www.dp.fly-uni.org/podcasts Пампуй: www.soundcloud.com/user-vedy-online