«Ноч» Марціновіча цяпер можна чытаць у электроннай версіі
Аўтар выклаў кнігу для бясплатнага спампоўвання ў інтэрнэце.
nn.by
Пісьменнік Віктар Марціновіч выклаў для бясплатнага спампоўвання свой раман «Ноч». Электронная версія тэксту даступная на сайце 34mag.net. У папяровым выглядзе кніга выйшла амаль месяц таму і паспяхова прадавалася, а на аўтограф-сесію да аўтара прыйшлі сотні чалавек.
«Табе больш не трэба стаяць у чарзе па кнігу – пампуй яе проста зараз на 34mag без аніякіх згрызотаў сумлення. Яны нагоняць цябе падчас чытання», — заваблівае аўтар сваіх чытачоў.
Раман «Ноч» — ужо шостая кніга Марціновіча. Яе арыгінальнай мовай стала беларускай (раней пісьменнік напісаў таксама некалькі кніг па-руску і выдаў іх адразу і ў перакладзе на беларускую). Кніга выклікала неадназначную рэакцыю ў чытацкай аўдыторыі, а таксама ў крытыкаў. З апошнімі аўтар увязваўся ў публічную палеміку і пісаў адкрыты ліст у адказ на іх водгукі.
Euroradio.fm