Завершаны прыём прац на літаратурны конкурс «Экслібрыс» імя Рыгора Барадуліна

1 жніўня завяршыўся прыём прац на конкурс, прысвечаны сёлета вершам і паэтычнаму перакладу. Творы канкурсантаў перададзеныя сябрам журы, вынікі конкурсу і імёны лаўрэатаў будуць абвешчаныя 31 жніўня.



Нагадаем, у склад журы ўваходзяць: Раіса Баравікова, Леанід Дранько-Майсюк, Вольга Іпатава, Наталля Кучмель, Уладзімер Някляеў.

Пераможцы будуць вызначаны ў дзвюх намінацыях: 1) Паэзія і 2) Паэтычны пераклад на беларускую мову.

Арганізатар штогадовага літуратурнага конкурсу “Экслібрыс” — ГА “Саюз беларускіх пісьменнікаў”.

За развіццём падзей сачыце на сайце  lit-bel.org.

Прэсавая служба СБП, lit-bel.org