«Прафпрыдатнасць беларусаў вызначаецца іх палітычнымі поглядамі»: Вольга Хіжынкова пакінула Нацыянальную школу прыгажосці

Былы прэс-сакратар брэсцкага «Дынама», Міс Беларусь-2008 Вольга Хіжынкова пакінула Нацыянальную школу прыгажосці па палітычных прычынах. У школе яна выкладала дэфіле.

У сваім Інстаграме яна напісала, што «з нядаўніх часоў прафпрыдатнасць і грамадская значнасць беларусаў вызначаецца выключна іх палітычнымі поглядамі».

«Толькі ў нашага ўрада своеасаблівае разуменне словы “роўнасць”. Таму ён і дэманструе цуды непрадузятасці, ласкі у якой няма ні да каго: лекары, навукоўцы, завадчане, журналісты, акцёры, тэлевядучыя, настаўнікі, спартсмены, чыноўнікі. Мой выпадак у гэтым спісе не першы і, нешта падказвае, далёка не апошні», — напісала Хіжынкова.

«Эксперыменты над уласным сумленнем заўсёды маюць сумны вынік. Таму і спрабаваць не варта. Іншая справа — чаму прафесіяналы, сумленна зарабляюць свой хлеб, павінны сыходзіць? Мы не будзем шукаць адказ на гэтае пытанне, роўна як і не станем прыводзіць вытрымкі з Канстытуцыі ў абарону сваіх правоў. Сёння быў мой апошні працоўны дзень у Нацыянальнай школе прыгажосці» — зазначыла яна.

«Я ад усяго сэрца пажадаю поспеху калектыву, які стаў родным, у якім мне так выдатна працавалася ўсе гэтыя гады. Мае выпускнікі для мяне заўсёды былі такімі ж педагогамі, як і я для іх. Дзякуючы ім нават у гэтыя складаныя часы я стараюся захоўваць лёгкасць быцця. Было, калі мне задавалі пытанне пра наяўнасць дзяцей, я адказвала: «У мяне іх каля тысячы». А сёння раптам адчула сябе асірацелай. Сумны дзень...», — напісала Хіжынкова ў інстаграме.

Паводле Беларускага Партызану