Памёр лепшы гулец у гісторыі футбола Пеле
29 снежня пасля працяглай хваробы пайшоў з жыцця легендарны футбаліст Пеле. Пра гэта паведамляюць сусветныя СМІ.
Бразільскаму футбалісту было 82 гады. Апошні час ён змагаўся з цяжкай хваробай.
Пеле насіў мянушку Кароль футбола і быў прызнаны ФІФА найлепшым гульцом мінулага стагоддзя. Таксама бразільца — адзінага за ўвесь час трохразовага чэмпіёна свету — многія лічаць найлепшым футбалістам у гісторыі футбола, аднак на гэты конт вядуцца спрэчкі. Існуе меркаванне, што нумарам адзін усё ж быў аргентынец Дыега Марадона, які памёр у 2020 годзе ва ўзросце 60 гадоў.
У складзе зборнай Бразіліі Пеле згуляў 92 матчы і забіў 72 галы.
Паводле версіі Міжнароднага алімпійскага камітэта, Пеле з'яўляецца лепшым спартсменам XX стагоддзя.
