Амерыканскія навукоўцы пацвердзілі першы выпадак паўторнага заражэння каронавірусам ў ЗША

Гэта чацвёрты выпадак у свеце.

25-гадовы жыхар Рына ў амерыканскім штаце Невада стаў першым жыхаром ЗША, у якога пацвердзілася паўторнае заражэнне каронавірусам . Пра гэта гаворыцца ў прэпрынце артыкула, падрыхтаванага навукоўцамі з Невады.
18 красавіка ў чалавека, імя якога не раскрываецца, упершыню дыягнаставалі каронавірусную інфекцыю, да 27 красавіка ў яго зніклі сімптомы. Два тэсты на інфекцыю, праведзеныя 9 і 25 мая, далі адмоўны вынік. Але 28 мая пацыент зноў захварэў, у яго развілася больш цяжкая хвароба, выкліканая каронавірусам . Секвеніраванне геному віруса паказала, што другое заражэнне адрозніваецца ад першага.
Аўтары даследавання лічаць, што паўторнае заражэнне каронавірусам сустракаецца рэдка. Захворванне жыхара Невады стала першым пацверджаным выпадкам у ЗША сярод амаль шасці мільёнаў выпадкаў COVID-19 у краіне.
Гэта чацвёрты пацверджаны выпадак паўторнага заражэння каронавірусам ў свеце. Першы выпадак зарэгістравалі навукоўцы з Ганконга, яшчэ два пацвердзілі ў Нідэрландах і Бельгіі.
meduza.io