Арменія зноў бунтуе

У сталіцы Арменіі зноў хваляванні. Прэм'ер-міністр Нікол Пашынян заклікаў грамадзян збірацца ля парламента, каб выказаць пратэст супраць закону, які забяспечвае парламенту працяг працы пры адстаўцы прэм'ер-міністра. 

У аўторак, 2 кастрычніка, Нацыянальны Сход Арменіі прыняў папраўкі ў закон "Аб рэгламенце НС", які Пашынян назваў "контррэвалюцыйным". Яго прыхільнікі праводзяць мітынг каля будынка парламента. Дэманстранты "замуравалі" дэпутатаў у парламенце Арменіі, пакінуўшы без ежы, паведамляе тэлеграм-канал Протесты в мире.

"Я падам у адстаўку. Праз 7 дзён парламент павінен абраць прэм'ера, калі прэм'ер не будзе абраны, то будзе другі тур. Калі за гэты час парламент не абірае новага прэм'ера, то праходзяць датэрміновыя парламенцкія выбары", — абвясціў свой сцэнар Нікол Пашынян.

Прыхільнікі Пашыняна заблакавалі выхад з парламента, яны патрабуюць роспуску былой кіруючай партыі.

Людзі скандуюць «Рэспубліканцы, прэч адсюль!» І «Здраднікі!». Пашынян абвясціў прысутным імёны міністраў ад партый, якія галасавалі за законапраект, і падпісаў прама на трыбуне загады аб іх звальненні.

Прэм'ер-міністр Арменіі Нікол Пашынян падчас мітынгу на праспекце Баграмяна заявіў, што ідзе ў Нацыянальны сход, каб весці перамовы з парламенцкімі фракцыямі, паведамляе azatutyun.am.