Брытанскі штам COVID-19 на 64% больш смяротны за іншыя — даследаванне

Брытанскі штам каронавіруса на 64% больш смяротны, чым ранейшыя, паведамляюць заходнія СМІ са спасылкай на вынікі даследавання, які праводзіцца Эксэтэрскім універсітэтам.

Даследнікі параўналі даныя прыкладна 55 тысяч пар удзельнікаў, у якіх выявілі каронавірус паміж кастрычнікам і студзенем, і назіралі за імі на працягу 28 дзён. Высветлілася, што верагоднасць смяротнага зыходу для інфікаваных новым варыянтам на 64% вышэй. У прыватнасці, смяротнасць павялічылася з 2,5 да 4,1 на 1000 выпадкаў.
Удзельнікаў даследавання падабралі па шэрагу фактараў — такіх, як ўзрост, пол і этнічная прыналежнасць.
СМІ нагадваюць, што ў студзені брытанскія ўлады, спасылаючыся на шэраг даследаванняў, заяўлялі, што новы варыянт каронавіруса можа быць на 40% больш смяротным.
Брытанскі варыянт COVID-19, вядомы як B.1.1.7, які выявілі ў канцы 2020 года, з'яўляецца адным з некалькіх новых штамаў каронавіруса. Яго распаўсюджванне зафіксавана ў шэрагу краін Еўропы і ў ЗША.
Прафесар клетачнай мікрабіялогіі ў Рэдынгскам універсітэце Сайман Кларк заявіў, што высокая смяротнасць разам з хуткім распаўсюджваннем азначаюць, што «дадзены варыянт віруса ўяўляе сур'ёзную праблему для сістэм аховы здароўя і палітычных стратэгаў».
СМІ адзначаюць, што, хоць большасць вытворцаў вакцын заявілі, што ўжо распрацаваныя вакцыны эфектыўныя супраць брытанскага штаму каронавіруса, іншыя варыянты, напрыклад, выяўлены ў ПАР, маюць мутацыі, што выклікае асцярогі ў дачыненні да выпрацоўкі імуннага адказу.
interfax.by