Чэхія адмовілася прымаць уцекачоў па квотах ЕС

Урад Чэхіі адмовіўся ўдзельнічаць у праграме па пераразмеркаванні мігрантаў у Еўропе. Да верасня 2017 года краіна не будзе прымаць  уцекачоў.

Чэхія афіцыйна выступіла супраць рашэння Еўрасаюза аб справядлівым размеркаванні бежанцаў.

Урад у Празе пастанавіў, што краіна да верасня бягучага года не будзе прымаць  уцекачоў, якія першапачаткова прыбылі ў Італію і Грэцыю, з мэтай раўнамернага размеркавання міграцыйнай нагрузкі ў ЕС.

 Адзначаецца, што менавіта ў верасні павінен завяршыцца праект ЕС, згодна з якім для краін-сябраў устаноўлены квоты на прыём мігрантаў.

 МУС Чэхіі патлумачыла адмову ўдзельнічаць у праграме па пераразмеркаванні мігрантаў тым, што "сістэма размеркавання бежанцаў не працуе" і "сітуацыя з бяспекай змянілася" пасля апошніх тэрактаў у Еўропе.

 Нагадаем, згодна з квотамі, Чэхія павінна была прыняць 2691 просьбіта прытулку ў ЕС з 120 тысяч.

 Раней паведамлялася, што ў краіны Еўрасаюза хочуць трапіць амаль сем мільёнаў  уцекачоў.

Паводле Корреспондент.net