Facebook забараняе рэкламу медыцынскіх масак

З-за павялічанага на фоне распаўсюджвання новага каронавіруса попыту на медыцынскія маскі кампанія вырашыла спыніць спробы спекулянтаў зарабіць на надзвычайнай сітуацыі.

У Facebook і Instagram забароняць рэкламу медыцынскіх масак, каб не дапусціць спекуляцый з-за павышанага на фоне распаўсюджвання новага каронавіруса попыту. Аб гэтым паведамляецца на сайце кампаніі Facebook.
«Мы забараняем рэкламу і аб'явы аб продажы медыцынскіх масак у Facebook і Instagram. Пастаўкі абмежаваныя, цэны растуць, і мы супраць таго, каб людзі выкарысталі гэтую надзвычайную сітуацыю ў сваіх мэтах», — напісаў у Twitter кіраўнік аддзелу мэнэджмэнту прадукцыі Facebook Роб Летэрн. Ён адзначыў, што неабходныя меры будуць прынятыя ўжо ў бліжэйшыя дні.
Гэта не першае абмежаванне, уведзенае кампаніяй на фоне распаўсюджвання новага каронавіруса. Раней Facebook вырашыла змагацца з нагнятаннем страху і дэзінфармацыяй пра захворванне, забараніўшы рэкламу, якая абяцае вылечыць ад яго ці прадухіліць заражэнне.
Акрамя гэтага Facebook будзе выдаляць з сацыяльнай сеткі і «тэорыі змовы» аб новай хваробе з-за пагрозы шкоды веры ў іх. Змагацца з недакладнай інфармацыяй маюць намер і ў Instagram, у прыватнасці выдаліць хештэгі, з дапамогай якіх будзе распаўсюджвацца хлусня аб каронавірусе.
Першая ўспышка новага каронавіруса адбылася ў кітайскім горадзе Ухань у снежні 2019 года. Пасля гэтага захворванне распаўсюдзілася і на іншыя краіны: у прыватнасці, больш за ўсё інфіцыраваных па-за КНР выяўлена ў Паўднёвай Карэі, Іране і Італіі.
На фоне пагрозы распаўсюджвання COVID-2019 падскочыў попыт на медыцынскія маскі, што пачало прыводзіць да дэфіцыту: імі зацікавіліся спекулянты. 
rbc.ru