Хакеры запатрабавалі ў «Дыснею» выкуп за выкрадзены фільм

Невядомыя хакеры сцвярджаюць, што атрымалі доступ да аднаго з фільмаў кампаніі «Walt Disney», які яшчэ нават не паспеў выйсці, і патрабуюць выкуп. Пра гэта распавёў кіраўнік студыі Боб Айгер.

Па словах Айгера, зламыснікі патрабавалі велізарную суму ў біткоінах і прыстрашваюць, што інакш выкладуць у публічны доступ спачатку пяціхвілінны ўрывак фільма, а затым будуць публікаваць 20-хвілінныя часткі, пакуль грошы не будуць выплачаныя.

Ён не паведаміў, пра які фільме ідзе гаворка, аднак падкрэсліў, што кампанія не мае намеру плаціць выкуп.

Амерыканскае выданне “Deadline” са спасылкай на свае крыніцы, паведаміла, што гаворка можа ісці пра фільм "Піраты Карыбскага мора: Мерцвякі не распавядаюць казкі", які выходзіць у амерыканскі пракат 26 мая. Гэта пятая частка кінасагі, якая сабрала ў сусветным пракаце агулам 3,7 млрд долараў.

Па іншай версіі, гаворка ідзе пра анімацыйны фільм студыі “Pixar” "Тачкі 3", які з'явіцца ў кінатэатрах 16 чэрвеня. Дзве папярэднія часткі мультфільма прынеслі стваральнікам больш за мільярд даляраў.

У канцы красавіка ахвярай аналагічнага злачынства хакераў стаў анлайн-кінатэатр “Netflix”.

Невядомыя выкралі і апублікавалі ў адкрытым доступе 10 яшчэ не выпушчаных серый серыяла "Аранжавы — хіт сезона", калі кампанія адмовілася плаціць выкуп.


Паводле ВВС