Германія і Францыя ў 2013 годзе адзначаюць 50-ю гадавіну падпісання Елісейскага дагавору

22 студзеня 1963 года прэзідэнт Францыі Шарль дэ Голь і федэральны канцлер Конрад
Aдэнаўэр падпісалі ў Парыжы Дагавор аб германа-французскім супрацоўніцтве —
скарочана Елісейскі дагавор.



126_21_01_13_prazd.jpg

Ангела Меркель і Франсуа Аланд

Гэты дагавор з’яўляецца гістарычнай вяхой у адносінах паміж Германіяй і Францыяй. Ён адкрыў шлях да трывалага прымірэння паміж немцамі і французамі і да сённяшняга дня стварае рамачныя палітычныя ўмовы для цеснай дружбы.  
 
21 і 22 студзеня ў Берліне праходзяць афіцыйныя ўрачыстыя мерапрыемствы. Так, з гэтай нагоды ў Берлін прыбываюць члены французскага кабінета міністраў і большасць дэпутатаў французскага парламента.

Акрамя пасяджэння германа-французскага юбілейнага Савета міністраў 22 студзеня пройдзе сумеснае пасяджэнне парламентаў, атаксама адбудзецца святочны канцэрт у Берлінскай філармоніі па запрашэнні Федэральнага прэзідэнта.
 
Ва ўсім свеце пасольствы Францыі і Германіі сумесна адзначаюць гэты юбілей. У Мінску паслы Францыі і Германіі запрашаюць сёння сваіх гасцей на сумесны прыём. На працягу ўсяго юбілейнага года ў Беларусі будуць праходзіць сумесныя мерапрыемствы ў галіне культуры.

Па інфармацыі Пасольства Германіі ў Мінску