Краіны Захаду заклікаюць сваіх турыстаў пакінуць Кенію

Па меншай меры дзесяць чалавек сталі ахвярамі выбухаў у сталіцы Кеніі Найробі.



Адзін адбыўся ў будынку рынку Гікомба, другі — у маршрутным таксі прыкладна ў тым жа раёне.

У бальніцы дастаўлены дзясяткі пацярпелых.

Адказнасць за тое, што адбылося, пакуль ніхто на сябе не ўзяў, але следчыя амаль упэўненыя ў тым, што гэта тэракты, арганізаваныя экстрэмістамі з самалійскай групоўкі «Аш-Шабаб».

Актывізацыя тэрарыстаў прымусіла цэлы шэраг краін назваць Кенію дзяржавай, небяспечнай для турызму; з гэтым катэгарычна не згодна кенійскае кіраўніцтва, якое лiчыць, што падобныя крокі толькі на руку тэрарыстам:

«Наша краіна павінна рухацца наперад. Мы павінны рабіць тое, што можам. Мы хочам прапанаваць свае паслугі свету. Мы зноў будзем заклікаць суграмадзян праявяць сваю гасціннасць, вядомую ва ўсім свеце», — заявіў прэзідэнт Кеніі Ухуру Кеніята.

Баявікі «Аш-Шабаб» патрабуюць ад Кеніі вывесці з Самалі войскі, уведзеныя туды тры гады таму пасля цэлага шэрагу выкраданняў турыстаў.

Самі турысты пакідаюць краіну з вялікай неахвотай:

«Кенійцы надзвычай гасцінныя; нам сорамна, што давялося скараціць адпачынак з-за нейкіх зламыснікаў. Нам шкада было пакідаць гасцініцу і людзей, якія там працавалі».

Пра небяспеку падарожжаў у Кенію сваіх грамадзян афіцыйна папярэдзілі адпаведныя ведамства ЗША, Францыі, Вялікабрытаніі і Аўстраліі.

Паводле euronews.com