Латвія. У дзяржаўных лясах кожны жыхар можа ссячы адну елку

Як і ў ранейшыя гады, у гэтым годзе кожны жыхар Латвіі можа ссячы сабе да Каляд ялінку ў дзяржаўных лясах, якія кіруюцца прадпрыемствам Latvijas Valsts meži (LVM).



Фота: Shutterstock

Ялінкі нельга секчы ў маладых насаджэннях і ў змешаных маладых лясах, напрыклад, пад бярозамі — іх можна секчы на ўзбочынах лясных дарог, па краях канаў, пад лініямі электраперадачы, у дарослых лясах пад вялікімі дрэвамі.

Забаронена секчы ялінкі ў прыватных лясах, грамадскіх прыродных парках, на асабліва ахоўных прыродных тэрыторыях, пазначаных знакам з дубовым лістком. Дзяржаўныя лясы размешчаны на ўсёй тэрыторыі Латвіі паміж мноствам прыватных і муніцыпальных угоддзяў.

Каб пазбегнуць канфліктаў LVM рэкамендуе спачатку пераканацца, каму належыць лес. Высветліць гэта можна на сайце mammadabakarte.lv, паведамляе delfi.lv