Літва плануе выставіць Лукашэнку рахунак за перакідванне нелегальных мігрантаў

Пра гэта заявіў чалец Еўрапейскага парламента Літвы Пятрас Аўштравічус. Па яго словах, гэтае пытанне будзе абмяркоўвацца на сесіі Еўрапарламента.

«Мы павінны ўсе гэтыя рахункі, а гэтае вялікія ўсё-такі выдаткі – сустракаць мігрантаў, яны жыць недзе павінны, сілкавацца, медычная дапамога і гэтак далей – вось гэтыя ўсе рахункі мы збяром і выставім Беларусі. І паглядзім, які міжнародны суд будзе з гэтым разбірацца. У мяне няма ніякіх сумневаў, што мы будзем падымаць гэта пытанне на ўзроўні З'яднаных Нацый і ў інстытуцыях па міграцыі. Так што гэта будзе яшчэ адна ганебная пляма на мундзіры Лукашэнкі».
Аўштравічус таксама выказаў упэўненасць, што арганізаваны рэжымам струмень нелегалаў – вельмі прыбытковы бізнес.