МАК назваў умовы ўдзелу расейцаў у Алімпіядзе
Міжнародны алімпійскі камітэт не стаў дыскваліфікаваць зборную Расіі. Спартсмены з РФ змогуць паехаць у Рыа-дэ-Жанейра і выступаць там пад нацыянальным сцягам. Пра гэта гаворыцца ў афіцыйнай заяве МАК.
Будынак МАК - Міжнароднага Алімпійскага камітэта будынак МАК - Міжнароднага Алімпійскага камітэта. Фота: wikipedia.org
На Алімпіяду ў любым выпадку не будуць дапушчаныя спартсмены, якія калі-небудзь раней раней былі абвінавачаныя ва ўжыванні допінгу, а таксама фігуравалі ў справаздачы ВАДА. Рашэнне аб допуску кожнага канкрэтнага спартсмена будзе прымаць адпаведная спартыўная федэрацыя. Усім кандыдатам таксама неабходна будзе прайсці дадатковую допінг-праверку.
Раней Міжнародная федэрацыя лёгкай атлетыкі ўжо заявіла, што не дапусціць да Гульняў расійскіх спартсменаў; выключэнне было зроблена толькі для скакухі Дар'і Клішынай, якая ўжо некалькі гадоў трэніруецца не ў Расеі.
Пытанне аб магчымай дыскваліфікацыі ўсёй зборнай Расіі ўпершыню было ўзнятае публічна ў траўні, калі былы кіраўнік Маскоўскай антыдопінгавай лабараторыі Рыгор Родчанкаў распавёў амерыканскай прэсе пра нібыта існую ў Расеі «допінгавую праграму» пад кантролем уладаў краіны.
Сусветнае антыдопінгавае агенцтва пасля гэтага пачало расследаванне, і 18 ліпеня апублікавала даклад, у якім паведамлялася, што дадзеныя аб падтрымцы фальсіфікацыі пробаў на дзяржаўным узроўні знайшлі пацверджанне. Як сцвярджалася ў дакладзе, Мінспорту РФ было ў курсе падмены станоўчых проб на адмоўныя, а кантроль над гэтымі дзеяннямі ажыццяўляла ФСБ. Пасля выхаду дакладу ВАДА заклікала МАК не дапусціць расійскіх спартсменаў да Гульняў.
Паводле slon.ru