Макрон абышоў Цукерберга ў рэйтынгу самых уплывовых бізнэсоўцаў да 40 гадоў
Амерыканскі часопіс Fortune апублікаваў чарговы рэйтынг самых уплывовых людзей у бізнэсе, якім не споўнілася 40 гадоў. Узначаліў гэты спіс прэзідэнт Францыі Эмануэль Макрон.
39-гадовы экс-банкір упэўнена перамог канкурэнтаў у барацьбе за пасаду лідара краіны, а затым і яго партыя набрала большасць на парламенцкіх выбарах, але апошнія апытанні сведчаць, што яго папулярнасць сярод французаў хутка падае.
Другі радок заняў заснавальнік Facebook Марк Цукерберг, якому 33 гады. Часопіс канстатуе, што Цукерберг, нягледзячы на малады ўзрост, ужо даўно фігуруе ў спісах самых багатых людзей свету, а нядаўна з'явіліся чуткі, што яго можа зацікавіць і палітычная кар'ера.
На трэцім месцы апынуліся заснавальнікі кітайскага сэрвісу Didi Chuxing Чэнг Вей (35 гадоў) і Джын Лю (39 гадоў). Сэрвіс па выкліку таксі выкупіў кітайскі бізнес Uber і ўжо прыцягнуў такіх інвестараў як Apple і Alibaba.
Дзясятку Fortune замыкае Віталік Бутэрін, які нарадзіўся ў Расіі і ў дзяцінстве пераехаў у Канаду. 23-гадовы стваральнік крыптавалюты Ethereum упершыню ўвайшоў у рэйтынг часопіса ў мінулым годзе, калі капіталізацыя Ethereum склала $ 1 млрд. На 26-м месцы апынуўся яшчэ адзін выхадзец з Расіі — 35-гадовы Дзмітрый Альпяровіч. Ён з'яўляецца заснавальнікам кампаніі CrowdStrike, якая займаецца кібербяспекай.
Fortune нагадвае, што гэтая кампанія падчас расследавання ўцечкі электроннай пошты Дэмакратычнай партыі ЗША паказалі на нейкім "рускі след", што ў адным з выступаў згадаў Дональд Трамп.
delfi.lt