Сёння самае доўгае зацьменне месяца за 5 стагодзяў

У пятніцу, 19 лістапада, здарыцца самае доўгае з XV стагоддзя зацьменне Месяца.

Зацьменне Месяца працягнецца амаль 3,5 гадзіны. Аднак у Беларусі за ім паназіраць не атрымаецца, бо распачнецца яно амаль у палову на адзінаццатую раніцы.

Зацьменне можна будзе ўбачыць з тэрыторый Акіяніі, Паўночнай і Паўднёвай Амерыкі, Усходняй Азіі, Паўночнай Еўропы і Інданезіі. У Расіі яго змогуць назіраць жыхары Далёкага Усходу.

«Прыватнае ценявое зацьменне будзе доўжыцца 3 гадзіны 28 хвілін (з 10:20 да 13:48). Гэта самае працяглае прыватнае зацьменне Месяца з XV стагоддзя. Яго можна назваць "амаль поўным" месяцавым зацьменнем, таму што амаль увесь Месяц зойдзе ў цень Зямлі. Большая частка месяцавага дыска набывае чырванаватае адценне», — распавялі ў планетарыі.

Зрэшты зацьменні Сонца і Месяца адбываюцца кожныя паўгода. Сонца, Зямля і Месяц у гэты час выстройваюцца ў адну лінію. Калі пасярэдзіне аказваецца Зямля, то жыхары планеты назіраюць месяцавае зацьменне.

Паводле tass.ru, korrespondent.net