Сотнікі Майдана рыхтуюцца да правакацый на майскія святы

Цэнтральны савет сотняў Майдана рыхтуецца процідзейнічаць правакацыям на майскія святы. Пра гэта сотнікі Майдана заявілі на прэс -канферэнцыі, інфармуе Цэнзар НЕ са спасылкай на УНИАН.



Факельнае шэсце на Майдане скончылася бойкай. Фота Александра Хаменкі

"Што тычыцца 1, 9 мая і прамежкаў паміж імі — мы рыхтуемся да гэтых падзеяў. Па учорашніх падзеях (факельнае шэсце, якое прывяло да бойкі на Майдане) Мы зразумелі, што ўнутры Майдана ёсць людзі, якія працуюць непасрэдна на ФСБ Расіі, гэта праплочаныя групы людзей на Майдане, якія маюць дачыненне да ультраправых", — сказаў прадстаўнік Цэнтральнага савета сотняў Майдана па мянушцы Спартак.
Начальнік аддзела бяспекі Майдана адзначыў, што на Майдане ноччу уведзена каменданцкая гадзіна, таксама любыя масавыя мерапрыемствы, якія праходзяць у горадзе Кіеве ці на Майдане, павінны быць узгоднены з Цэнтральным саветам сотняў Майдана, Штабам Майдана і камендатурай.
 

Таксама на Майдане забаронена насіць зброю і зачыняць твар.
 

"Учорашнія падзеі былі накіраваны на дыскрэдытацыю Майдана, з боку экстрэмістаў быў падрыхтаваны мэсыдж для расійскіх тэлеканалаў, што нібыта тут, на Майдане, прысутнічаюць неанацысты", — лічыць Спартак.
У сваю чаргу прадстаўнік Самаабароны Майдана Тарас адзначыў, што перад тым, як факельнае шэсце павінна было адбыцца, былі выяўленыя дзве дыверсійныя групы, якія мелі пры сабе прылады для падпалу — бутэлькі з сумессю і пэўныя віды зброі.
"Інфармацыя пра тое, што адбудзецца шэсце з паходнямі, была прадастаўлена СБУ, учора на Майдане знаходзіўся намеснік міністра ўнутраных спраў Украіны Мікалай Вялічковіч, які трымаў на кантролі гэтую справу", — сказаў ён.