Студэнты кіеўскага ўніверсітэта абвяшчаюць бестэрміновую галадоўку

Студэнты кіеўскага нацыянальнага ўніверсітэта імя Тараса Шаўчэнкі з серады, 15 студзеня, абвяшчаюць персанальную бестэрміновую акцыю галадоўкі. Пра гэта гаворыцца ў афіцыйнай студэнцкай групе ў
“ВКонтакте”.



Па словах студэнтаў, іх галоўнае патрабаванне — адклікаць прадстаўнікоў Дзяржаўнай інспекцыі навучальных устаноў Украіны, якія ў перыяд з 11 па 25 студзеня праводзяць пазапланавую праверку кіеўскіх ВНУ.

Прысутнасць Дзяржаўнай інспекцыі навучальных устаноў студэнты бачаць як рэпрэсіі ў дачыненні да тых, хто падтрымлівае Еўрамайдан.

"Студэнты не маюць магчымасці паўнавартасна адказаць на пытанні, паколькі хвалююцца і адчуваюць маральна-псіхалагічны ціск трэціх асоб. Таксама студэнты бачаць ангажаванасць інспекцыі, аказваюць ціск на выкладчыкаў падчас прыёму іспытаў. Гэта прыводзіць да змены прынцыпу правядзення іспытаў без папярэджання", — заявілі студэнты.

Студэнты патрабуюць ад Міністэрства адукацыі і навукі Украіны неадкладна адклікаць Дзяржаўную інспекцыю навучальных устаноў Украіны і не дапушчаць далейшага ціску на студэнтаў, якія адстойвалі свае канстытуцыйныя правы на мірных акцыях пратэсту.

Паведамляецца, што акцыя пачнецца 15 студзеня ў 13:00 каля помніка Тарасу Шаўчэнку.

korrespondent.net

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: